Canadian Business Advisers Dumalaw sa mga TLDC

Matagumpay ang isinagawang “Business Advisory Engagement” ng mga kinatawan ng “Canadian Executive Service Organization” o CESO sa Tuguegarao Technology and Livelihood Development Center.

Ang CESO ay binubuo ng mga Senior Canadian business experts na nag bibigay ng libreng business counseling sa mga small and medium business enterprise.

Ayon kina CESO Regional Director Pam Koch at CESO Program Manager Kasia Zakowska kaagad na ipinatupad ng TLDC-Tuguegarao ang ilan sa kanilang mga recomendasyon.

Maainit din ang naging pagtanggap sa kanila ng mga small and medium enterprises na nasa pangangalaga ng TLDC-Tuguegarao.

Napagkasunduan ng CESO at TLRC officials na lalo pang palawigin ang partnership ng dalawang organisasyon.

Ilan sa mga susunod na bibisitahin ng mga CESO business advisers ay ang mga TLDC sa Northern Samar, Laguna at Quezon.